A hma hun hre lo KylianMbappe

Rawlthar duhawm Kylian Mbappe chuan a khelh mekna Paris Saint-Germain-ah a hlim thu a sawi a, churih rualin a hma hunah eng club tan nge a khelh zui zel dawn tih erawh a sawi lawk thei lo.

Kum 18 mi Mbappe hian season hmasa khan AS Monaco chu French Ligue 1 nomawi a chawipui a, Champions League semifinal a hruai thleng bawk–inelna hrang hrangah match 44 khelin goal 27 a khung.

Nipui transfer lai khan khawvel club lian hrang hrangin an ngaihven a, an rama inkhelh chhunzawm a duh avangin loan hmangin PSG a zawm. Paris club tan hian match 20 a khelhah goal 11 a khung leh tawh a, goal khung ai mahin a thiante khung tur siamsak kawngah a ṭangkai hle.

Mbappe chuan, "Ka hrinnungah hian ruahmana ka siam ve ṭhin a, tunah chuan ka beisei lawk aia ṭha zelin a la thleng dik. Tunah chuan sawi lawk ngaihna ka hre rih lo a, tuna ka thlen chin pawh hi ka suangtuah phak loh a ni tawh, kum hnih rawn inher leh se khawi club-ah nge ka khelh ang tih ka sawi thei lo," tiin a sawi.