Mizoram Lockdown (inkharkhip) Ni 131

Euro 2012 quarterfinal-a England leh Italy an intum ṭum khan Italian midfielder Andrea Pirlo chuan inkhelh chhung zawngin vawi 131 zet pass a nei a, England midfield pumpui aiin pass a ngah zawk! Hriat tel tur chu England midfield-ah hian Steven Gerrard hoin James Milner, Scott Parker leh Ashley Young-te an khel a, 0-0 a an inhnehtawk hnuin penalty-ah 4-2 in Italy hi an chak. 

England tan Gerrard leh Wayne Rooney-te chuan an pet goal a, Young leh Ashley Cole-ten an hlah thung. Italy lamah Mario Balotelli, Pirlo, Antonio Nocerino leh Alessandro Diamanti ten an pet goal a, Riccardo Montolivo chuan a hlah thung. Italy hian semifinal-ah 2-1 a Germany hneh zuiin final an lut a, mahse Spain team ṭhat vanglai tawng fuhin final-ah erawh 4-0 in an mualpho. Euro 2012 team of the tournament-ah Andrea Pirlo hi a lang a, Italy squad aṭangin Gianluigi Buffon, Daniele De Rossi leh Mario Balotelli an lang ve bawk. Quarterfinal-a tournament an mangṭha chungin England captain Steven Gerrard chu team of the tournament-ah hian a lang ve tho a ni.