Ajax-in Bergkamp an ban

Dutch club Ajax chuan season bul an ṭan ṭhat loh em avangin coach Marcel Keizer an ban a, ani rual hian assistant coach Dennis Bergkamp leh Hennie Spijkerman te pawh ban nghal an ni.

Team general manager Edwin van der Sar leh technical director Marc Overmars te chuan an coaching staff an ban chhan hi season bul an ṭan ṭhat loh vang niin an sawi, Overmars leh Bergkamp te hi tun hma chuan Arsenal tan an lo khel dun tawh ṭhin.

Netherlands defender hlui Michael Reiziger hi season hmasa kha chuan reserve team boss a ni a, Peter Bosz-a'n Borussia Dortmund a pan san hnuah tun season aṭangin senior team enkawl hna a thawk ṭan.

Amaherawhchu, Rei­ziger hian beisei a phak rih lo. Dutch league-ah pahnihna dinhmun luah mah se European football aṭanga pet chhuah an ni tawh a, tun kar Nilanini khan FC Twente hneh loin Dutch Cup aṭangin an tla bawk.