Argentina an haw; chawlh an puang

World Cup nomawi chawi hlim Argentina team chuan nimin zing dar 10:45 khan Buenos Aires airport an thleng a, player-ten bus chung nei loa chuang chungin anmahni lo lawmtu fan-te chu chibai an buk.

Argentina team hian Argentine Football Association headquarters an pan zui nghal a, kalkawng tluanin anmahni lo lawmtu fans sing tel an intlar a ni - an thlawhtheihnaah chuan Messi lem a chuang a, "Team pakhat, ram pakhat - duh thuhmun," tih chu a inziak kalh bawk.

La Albiceleste (Argentina sawina) hi rock band La Mosca chuan World Cup Qatar-a Argentina fan-te hlapui, Muchachos hmangin an lo lawm a, player-te hian mahni in lam pan mai loin, AFA heaquarters-ah an mu ang a, hemi zawh hian champion lawmna hmun lam an pan leh ang.

Nizan dar 8:30 khan Argentina champion lawmna pui ber chu Obelisco, Buenos Aires-ah neih a ni a, Argentina sorkar chuan mipuiten champion an lawm theih nan chawlh a puang bawk.