Friendly match-ah Fofana a inhliam

Chelsea defender Wesley Fofana chu nimina Brentford nen friendly match an khelhnaah khup hliam vangin a bai chhuak. Blues hian 5-1 in hnehna chang mah se Fofana inhliam vangin an lawm a kim lo.

Graham Potter enkawl Chelsea hian December 27, Thawhlehni zan dar 11:00-ah Bournemouth an mikhual dawn. Pound maktaduai 69.5 man Fofana hi a inhliam na a nih chuan tun season-ah chhawr mumal an nei dawn lo. Fofana hi hliam vangin France squad-ah koh a ni lo a, tun season-ah match li chiah a la khel a ni.

Blues tana chanchin lawmawm erawh centre back Thiago Silva bakah World Cup-a England aiawha zin Raheem Sterling, Mason Mount leh Conor Gallagher te pawhin training an zawm tawh bawk.