Raducanu coach thar Sachs

Emma Raducanu chuan a coach thar atan Sebastian Sachs a lalut, season thar aṭangin hna an thawk dun dawn a, tun season chawlh lai pawhin training chu an nei dun ṭan nghal ang.

Kum 30 mi Sachs hian Olympic-ah khan Switzerland nula Belinda Bencic chu gold medal a lo lakpui tawh a, a kum la tam vak lo mah se player enkawl chungchangah chuan tawnhriat a nei ṭha.

British tleirawl Raducanu hian season hmasa khan US Open nomawi a chawi a, a hnu lamah hlawhtlinna lian tham a la chang leh meuh lo. Coach a thlak deuh reng a, tunah chuan Sachs nen chona thar an hmachhawn ang.