Mbappe-a'n training a zawm nghal

Kylian Mbappe chuan World Cup final zawh aṭanga ni thum hnu lekah Paris Saint-Germain training a zawm lehnghal. France international hian Nilaini khan a club hi a zawm tih PSG chuan an tarlang.

World Cup final-ah Mbappe hian hattrick a siam a, mahse Lionel Messi awmna Argentina chu penalty shootout-ah an hneh lo, kum 24 mi lek ni chunga a vawi hnih nana world champion nih a tumna a chu a thlawn ta rih.

Kum 24 mi Mbappe hian engtikah nge match pangngai a khelh ṭan dawn tih erawh tarlan a ni lo thung. December 28 hian Strasbourg nen an inkhel dawn a, tun aṭanga training a beih tawh chuan kumin chhungin Ligue 1 a khel hman tura ngaih a ni.

France rama football inelna sang ber Ligue 1 hi December 28, Nilaini aṭangin an khel ṭan leh dawn a, club tinin kuminah chuan match khat bak an khel hman dawn tawh lo.