Isco-a contract an titawp

Sevilla chuan an player Isco-a contract neih lai chu an tih tawpsak. Spanish midfielder hi thla li liam ta lek khan man nei loa an lakluh a ni a, kum hnih atan inremna nei mah se an titawp hma hle.

Real Madrid player hlui hian August thla khan Sevilla hi a zawm, inelna hrang hrangah match 19 khelin goal khat a khungsak. A contract an tihtawp chhan tak hi tarlan ni lo mah se, director of football Monchi nen an inmil lo niin khawthlang media-te chuan an tarlang.

Kum 30 mi Isco hian Real Madrid-ah kum kua zet hun a hmang a, nomawi chi hrang hrang 19 a chawi hman, heng zingah hian La Liga nomawi pathum leh Champions League title panga a tel a ni.