Matuidi-a'n boot a khai

FIFA World Cup 2018-a France champion puitu zinga mi Blaise Matuidi chuan nimin khan football khelh a chawlhsan thu a puang.

Kum 35 mi Matuidi chuan, "Football, ka hmangaih takzet che. Ka nunah hmun pawimawh tak i chang a, tunah erawh chawlh a hun ta. Naupan laia ka duhthusam leh puitlin hnua ka duthusam chu ka puitlin a, tunah chuan ka football zin kawng chu a tawp ta. Ka lawm e," tiin a chawlh thu a puang.

Matuidi hi Troyes aṭangin a inzir chhuak a, Saint-Etienne-ah hming chher lehzualin a larchhuahna tak erawh PSG a ni. Paris club hi Ligue 1-ah vawi li a champion pui a, Juventus a zawm lehin Serie A nomawi vawi thum a chawi leh bawk.

Kum 2020 khan Inter Miami a zawm a, season hnih chhung a khelh hnuah kumin January khan kum 2022 atan telh a ni lo. Kum khat tling lo hret inkhel loa a awm hnuah a chawlh thu hi a puang ta ni.