World Cup khel player chhawr tum lo Conte

Tottenham manager Antonio Conte chuan Boxing Day-a Premier League an khelh hunah, ram tana World Cup khel ai chuan a khel lote a luh tir tur thu a sawi chhuak.

World Cup zawh atanga ni riat lekah EPL an khel chhunzawm leh nghal dawn. December 26 zanah Spurs hian Brentford an hmachhawn dawn a ni.

Conte chuan, “World Cup leh league a inhnaih a, player an inpeih hman loh avangin ka lawm lo. Mahse, Tottenham-in World Cup khel thei player 12 ngawt kan nei thei kha a lawmawm, kawng dik kan zawh tihna a ni.

“Chawlh pek rei theih ngawt an ni bik lo a, chutih rualin tun dinhmunah inkhel turin an la inpeih tawk lo. World Cup khelh laia kar li chhung training lo nei tawhte hi inkhel turin an inpeih zawk,” a ti.

Italian manager hian a bik takin World Cup final khel, captain Hugo Lloris leh Argentina defender Cristian Romero te chuan Bees an hmachhawn loh tur thu a lo sawi chiang tawh a ni.