Arsenal an sang zel

Mikel Arteta enkawl Arsenal chuan Premier League hmahruaitu an nihna an sawh nghet, an mikhual West Ham chu 3-1 in an hneh.

Gunners tan Bukayo Saka, Gabriel Martinelli leh Eddie Nketiah ten goal khat theuh an khung a, mikhual Hammers tana Said Benrahma penalty khungin awmzia a nei phak lo.

Emirates Stadium-a inkhel hi Arsene Wenger chuan a hmunah a en, kum 2018 khan Wenger hian Gunners a chhuahsan, a hnu lamah tum tum hi a hmuna Arsenal inkhel a en leh a hmasa a ni.

Arsenal hian league match 15 atangin point 40 an hmu a, anmahni hnaih bertu Newcastle United aiin point sarihin an sang zawk - Magpies hian match khatin an khel hnem zawk a ni.