Chelsea an chak nuamsa

World Cup hmaa an league match hnuhnung pathuma a zawna an tlawm hnuin Chelsea an chak ve leh ta a, nizan khan AFC Bournemouth chu 2-0 in an hneh.

Blues tan Kai Havertz chuan goal hmahruai a khung a, Mason Mount chuan Chelsea tana match 150 zet a khelh tlinna chu goal nen a lawm ve bawk - Bournemouth lamin a chhanletna tur an nei lo.

Cherries tan hian substitute Ryan Christie chuan chance nei mah se, Blues goalkeeper Kepa Arrizabalaga chuan ṭha zetin a dansak a, hun tawp thlengin goal dang a lut tawh lo.

Chelsea tan hliam vanga World Cup a khelh theih loh hnuah Reece James chu lo kir mah se minute 53-naah hliam vangin lakchhuah a ngai a, Chelsea tan thil hmuh nuam tak a ni lo ang tih a chiang.

Hetihlai hian Christian Pulisic goal khung chu Havertz-a foul vangin pawmsak a ni lo bawk a, mahse, London club thinlung tihhnual nan a tawk lo.

December 27, Thawhlehni Zan

Chelsea  2 - 0 AFC Bournemouth

CHE: Kai Havertz 16'; Mason Mount 24'

Manchester United 3 - 0 Nottingham Forest

MNU:Marcus Rashford 19'; Anthony Martial 22'; Fred 87'

December 28, Nilaini zan (Zanin Inkhel Tur)
Leeds United 1:30 AM Manchester City