Australia ramah Djokovic

Novak Djokovic chuan harsatna nei loin Australia ram a lut thei ta, kum khat deuh thaw a tlawh theih loh hnuah tournament khel turin a zin lut leh thei tawh.

Serbian star hian Covid 19 laka invenna a la duh lo. Hei vang hian kumin January thla khan Melbourne khawpui a thlen tawh hnuah thawn haw leh hnuhnawh a ni a, a nomawi humhim turin Australian Open pawh a khel thei lo.

Australian Open bakah United States lamah pawh a inkhel thei lo a, hei vang hian Masters thenkhat leh US Open pawh a khel lo, kuminah erawh hrileng vanga inkharkhipna a lo zalen deuh ta tihna a ni.

Tennis Australia chief executive Craig Tiley chuan, “Player hmachhawn harsa berte zinga mi a nih leh ngei ka ring,” tiin Novak chungchang a sawi a, tournament a khel ngei dawn.

Djokovic hian Grand Slam title 21 a chawi tawh, heng zinga pakua chu Australian Open a ni, atan chuan hard court inelna lian hi a hlu hle.

Australian Open hi January thla chawhnu lam atangin Melbourne Park-ah khelh tan a ni ang.