Mizoram tan match pawimawh bik

Santosh Trophy vawi 76-naah Mizoram chuan tukin zing dar 8:00 hian Jammu & Kashmir an hmachhawn dawn. Group khat aṭangin pakhatnain final round an lut nghal dawn a, group paruk zinga ti ṭha paliin final round an lut bawk ang. Hemi a nih avang hian Mizoram tan J&K hneh hi a pawimawh hle.

Group II-ah Mizoram bakah inelna thlengtu Kerala leh J&K te hi match hmasa berah an chak. Champion lai Kerala hian Rajasthan lakah 7-0 ngawtin an chak a, hmahruaitu an ni mek.

Mizoram tan Kerala hnaih turin J&K hneh a pawimawh a, hei bakah hian J&K aiin Kerala hi an ṭhat zawk avangin Samson Ramengmawia hote hian final round thlen an duh a nih chuan J&K hneh hi tih makmawh a ni.

Match hmasa berah Mizoramin Andhra Pradesh lakah goal thum chauh an khung a, point thum hlu tak hlawh chhuak mah se an khelh danah duh khawp loh lai a tam hle.

Mizo striker ṭha Malsawmfela'n goal hmahruai khung mah se Mizoram Police striker hi a rih hret avangin bul ṭantuaa a awm loh a fuh zawk niin a lang a, coaching staff pawhin an ṭhat dan ber tur an la hrefuh lo niin a sawi theih. J&K lakah Mizoram tan insiamṭhat hlek a ṭul dawn a, group match hnuhnung bera Kerala nen an inkhel tur atana inpuahchahna tiin a sawi theih bawk.

December 29, Ningani
8:00 AM Jammu & Kashmir Vs Mizoram
3:30 PM Bihar Vs Kerala

December 30, Zirtawpni
3:30 PM Rajasthan Vs Andhra Pradesh


Inkhel enna link