Bagan an insiamṭha

NorthEast United laka rin loh taka an tlawm hnuin ATK Mohun Bagan an Insiamṭha lehnghal a, nizan khan Indian Super League inkhelah FC Goa chu 2-1 in an hneh.

Kolkata club tan Dimitri Petratos chuan minute kuana lekah goal hmahruai a khung a, Goa tan Anwar Ali chuan si phurh sut ve leh mah se Bagan tan Hugo Boumous chuan khung ve lehin, hun tawp thlengin goal dang a lut tawh lo.

Bagan tan Lalrinliana Hnamte chu bench aṭanga luhtir a ni a, Goa lamah Ayush Chhetri chu bench aṭanga luhtir a ni bawk.

Zaninah ISL inkhel pakhat a awm zui dawn a, Bagan laka a vawi khat nana point hlawh chhuaktu NorthEast United chuan Hyderabad an lenchilh ang.

December 28, Nilaini Zan

ATK Mohun Bagan 2 - 1 FC Goa

AMB: Dimitri Petratos 9'; Hugo Boumous 52'

FCG: Anwar Ali 52'

Zanin Inkhel Tur

Hyderabad FC 7:30 PM NorthEast United FC