Football legend Pele a thi

Khawvela player ropui ber anga mi ṭhahnrm takin an chhal Pele a thi, kum 82 mi niin December 30 zing lam khan football leh khawvel a mangṭha.

Pele hian kum 21 chhung football a khel a, hetih chhung hian inelna hrang hrangah match 1,363 atangin goal 1,281 a khung a, ani aia khung hnem an awm lo.

Football inelna ngaihhlut World Cup-ah kum 1958, 1962 leh 1970 khan Brazil a champion pui a, vawi thum champion thei awm chhun a ni. A sulhnu ropui tak avang hian FIFA chuan kum 2000 khan 'Player of the Century' atan an thlang hial.

Brazil football legend hi kal (kidney) tha lo vangin enkawl a ngai a, hei bakah hian kum 2021 khan a rilpuiah bawk a awm tih hmuhchhuah a ni a, a hun tawp thlengin he natna hi buaipui a ngai ta reng a ni.