Catalan derby-ah Barca chak zo lo

Nizan khan Catalan derby 'hot' zetah Barcelona chuan hnehna an chang zo lo a, an mikhual Espanyol nen 1-1 in an inhnehtawk - yellow card 16 leh red card pahnih phawrh a ni!

Barcelona tan Marcos Alonso chuan minute sarihna lekah goal hmahruai a khung a, mahse, minute 73-naah Alonso chuan Joselu titluin penalty a chawi a, Newcastle United striker hlui Joselu hian goal-ah a chantir zui.

Goal an chhuah a/anga minute nganaah Jordi Alba chuan referee thutlukna a sawisel avangin a yellow card pahnihna a hmu a, hnawhchhuah a ni.

Espanyol lam pawhin player 11 nen minute 90 an khel tluan bik lo -Vinicius Souza chu Robert Lewandowski laka a foul avangin a yellow card pahnihna pek a ni a, hnawhchhuah a ni. Hetihlai hian Espanyol player Leandro Cabrera chu red card pek ni mah se video assistant referee rawn a nih hnuah hnuhdawh a ni.

Barca-in hnehna chang zo lo mah se table chung ber an luah chhunzawm a, pahnihna Real Madrid nen match 15 a/angin point 38 ve ve an nei mek.

December 31, Inrinni Zan

Barcelona 1-1 Espanyol

Real Sociedad 2-0 Osasuna

Villarreal 2-1 Valencia