PSG an tlawm

Paris St-Germain chu March, 2022 hnua a vawi khat nan an tlawm a, league table-a pahnihna dinhmun luah mektu Lens chu Pathianni Zan khan Ligue 1-ah 3-1 in an hneh lo.

Mualneitu Lens tan Przemyslaw Frankowski chuan minute ngana lekah goal hmahruai a khung a, PSG tan Hugo Ekitike chuan minute thum hnuah si phurh sutna goal a khung zui.

Mahse, minute 28-naah Lois Openda chuan Lens tan khung lehin, second half /an a/anga minute hnihna lekah Alexis Claude-Maurice chuan a khung leh bawk a, hun tawp thlenga goal dang lut loin Lens an chak.

PSG tan hrem vangin Neymar a inlan lo a, Lionel Messi chuan squad a la zawm rih lo bawk - Kylian Mbappe erawh a khel tluan a, goal a keng tel lo thung.

Lens hi tun season-a league match 17 an khelh tawhah vawi khat chiah an la tlawm a, hmahruaitu PSG an phak lohna hi point li chauh a ni tawh.