Hnehna nena bul ṭan Raducanu

Emma Raducanu chuan tennis season bul a ṭan fuh dawn niin a lang, kumina a match hmasa ber atan ASB Classic in Auckland-ah tleirawl Linda Fruhvirtova chu a hneh.

Nimin inkhelah kum 20 mi Raducanu hian kum 17 mi chauh Fruhvirtova hi awlsam takin a hneh mai bik lo, set thum an khelh hnuah 4-6, 6-4, 6-2 in a hneh a, a match lehpekah chuan Viktoria Kuzmova a hmachhawn leh ang.

US Open 2021 champuin Raducanu hian season hmasa kha beisei a phak lo hle, a khelh ṭhat tawk loh bakah banrek hliam vangin October thla tir lam thleng bak tournament a khel thei lo.

Australian Open inbuatsaihna tournament dang Adelaide-ah Zheng Qinwen a chak ve bawk. Chinese player hian world number 2 pawh lo ni tawh Anett Kontaveit chu 6-1, 4-6, 7-6 (9-7) in a hneh - Zheng hi 2022 WTA Newcomer of the Year lawmman dawngtu kha a ni.