Serie A an chhunzawm leh dawn ta

World Cup chawlh an neih kha Krismas chawlhin a zui a, chawlh kar sarih zet an chawlh hnuah Serie A chu zanin aṭangin an khel ṭan leh dawn ta. Hmahruaitu Napoli chuan dar 1:15-ah Inter Milan chu San Siro-ah an lenchilh ang.

Napoli hian tun season league match 15 an khelh tawh zinga 13 zetah hnehna an chang thei a, season chanve chawlh an hman hmaa an chak hnem ber ṭum an tawng hial. Luciano Spalletti naute hian chet fuh chhunzawm an tum dawn.

Inter Milan hi beisei anga season hmang ṭha lo an ni thung, point 30 neiin pangana an ni mek - Italian football inelna sang berah club hrang hrang an inel tawh hle a, chuvangin season thara Champions League khel pha turin chetsual tam loh a pawimawh.

Tun dinhmunah chuan Inter tan midfielder Marcelo Brozovic chu inlan thei lo tur chiang a ni a, ani bak hi player langsar zingah hliam vanga chawl an awm lo. Striker palian Romelu Lukaku hoa season an hman chuan hma sawn an beisei ang.

AC Milan chuan vawiin tlai dar 5:00-ah Salernitana an lenchilh dawn, champion lai Milan hian tun dinhmuna hmahruaitu Napoli chu point riatin an phak lo, nomawi humhim an duh a nih chuan chetsual a rem tawh lo.

Zanin Inkhel Tur
Salernitana 05:00 PM AC Milan
Sassuolo 05:00 PM Sampdoria
Spezia 07:00 PM Atalanta
Torino 07:00 PM Verona
AS Roma 09:00 PM Bologna
Lecce 09:00 PM Lazio
Cremonese 11:00 PM Juventus
Fiorentina 11:00 PM Monza
Inter Milan 01:15 AM Napoli
Udinese 01:15 AM Empoli