Mizoram tan gold medal

Indian Weightlifting Federation (IWLF) hnuaia inelna - National Youth, Junior leh Senior Weightlifting Championship neih laiah, Mizoram tan Lalruatfela chuan 81kg (youth) huangah gold medal a chawi chhuak.

Inelna hi Nagercoil, Tamil Nadu-ah December 29 aṭang khan neih niin, Lalruatfela hian snatch 120kg, clean & jerk 150kg, total-ah 270kg chawiin a chungnung ber. Ruatfela hi Mizoram Weightlifting Academy, Ramhlun sports Complex-a inzir lai a ni.

Senior Inter State-ah Lalzuidika (61kg) chuan bronze medal a la bawk. Thuthak Nunpuitu Team (TNT) a mi niin, tun dinhmuna Army Boys lama inzir lai Zuidika hian snatch 112kg, clean & jerk 140kg, total-ah 252kg a chawi thung.

Inelna hi January 7, Inrinni thleng neih tur a ni a, Mizoram aiawh hian infiammi 11 leh official pakhat an feh chhuak a ni.