Marin a in hnukdawk

India rama tennis inelna lian Tata Open Maharashtra khelh laiah, seeded pakhatna Marin Cilic chu quarterfinal khel tur ni mah se, a khup hliam vangin a inlan thei lo - a khingpui tur Tallon Griekspoor chu inkhelh hah ngai loin a chak.

Ningani zan khan Cilic hian inlan ngei a tum, inkhel tura inbuatsaihna an neih laiin a khup hi a hliam a, loh theih lohna vangin inhnuhdawh a ngaih phah, kum 2010-a nomawi a chawi tawhna a chhunzawm thei ta lo a ni.

US Open 2014 champion Cilic chuan, "Min ṭan em emtute hmaa ka inkhel thei lo hi pawi ka ti. Tunah inkhel chhunzawm thei lo mah ila, engtik niah emaw chuan India-ah hian ka lo la inkhel leh ang," tiin a sawi.