Chanmarians chak chiang

Nimin khan Suaka Cricket Ground, Sihhmuiah Mahuma Memorial Cricket Tournament khelh chhunzawm a ni a, team ṭha pahnih inkhelah Chanmarians chuan Chhinga Veng lakah 211 runs-in hnehna an chang.

Ṭhum vawra vannei zawk Chanmarians lamin vuak hmasak an thlang a, ball 115 a hmachhawn aṭangin Lalhruaizela chuan run 110 a siam a, ani bakah hian run 62 siamtu F. Vanlalmuanzuala a che ṭha hle bawk, target sang pangngai tak an siam.

Chhinga Veng zingah mimala che ṭha an awm lo. Lalhmangaiha'n run 23 a siam a, Jonathan Lalbiakkima run 20 siam ve bawk mah se, midangin an thlawp ṭha tawk lo. Lalhruaizela an ngam lo, ani hian over 4.5 a vawmah 17 runs pein wicket li ngawt a la, a phu ang ngeiin Player of the Match atan thlan a ni.