Noskova hnehin Sabalenka a champion

Australian Open inbuatsaihna tournament langsar Adelaide International-ah Aryna Sabalenka a champion. Sabalenka hian nimin final-ah Linda Noskova chu 6-3, 7-6(4) a hnehin nomawi a chawi.

Kum 24 mi Sabalenka hian a match hmasa lamah harsatna a tawk, harsa takin a chak hram hram. Mahse, set hloh miah loin match lo a khel thei a, harsa taka set lak chang te chu nei ve bawk mah se nasa taka chetsual erawh a nei lo.

Belarus nula Sabalenka chuan, "2021 May thla kha Madrid khawpuiah nomawi ka chawi a, a hnu lamah chuan tun ṭum hi ka champion lehna hmasa ber a ni, a inkar a hla vang vang hle.

"Season hmasa nena khaikhin chuan player dang daih ka ni tawh, ka dawhtheiin ka zaidam zawk tawh bawk," tiin a sawi. Sabalenka hian tennis a khelh hun chhungin nomawi 11 a chawi tawh a ni.