Bundesliga khelh turin ngaihven a hlawh

Hripui Covid-19 leng vanga hun rei tak an chawlh hnuah Bundesliga chu Inrinni zan aṭang hian khelh chhunzawm a ni leh tawh dawn. European league lian panga zinga khelh zawm hmasa ber an ni dawn a, football ngainatu mai ni loin infiamna lam ngainatu chuan TV aṭangin Germany lam an thlir dawn.

Covid-19 vangin Dutch League (Eredivisie) chu champion awm loa tih tawp a ni a, French Ligue 1-ah Paris Saint-Germain chu champion atana puan niin league an titawp tawh bawk. Bundesliga an khelh chhunzawm tur hian - Premier League, La Liga leh Serie A te tan beiseina a siam ngei ang.

March 13 aṭangin Bundesliga hi chawlh lailawk a ni a, German Football League (DFL) chuan hri leng karah inkhelh chhunzawm dan an ngaihtuah. June 30 hma lama an khel zo hman lo a nih chuan TV lama pek chhuahna leh sumdawnna aṭangin sum an hloh hnem dawn hle.

DFL hian inkhelh duh mah se sorkar thu lo chuan khelh chhunzawm ngawt theih a ni lo. Inkaihhruaina tur dan leh hrai an siam, phek 51 zeta chhah chu sorkar hnenah an thehlut; chancellor Angela Merkel-i kaihhruai sorkar thuneitu lam chuan inkhelh phalna hi an pe.

German ramah hian September thla hma chuan mipui punkhawmna lian tham buatsaih khap a ni a, hei hian infiamna pawh a huam - Bundesliga pawh a hmuna entu an awm dawn lo. Ram ṭhenkhatah chuan fans awm loa inkhelh hian tun season bakah season thar pawh a nghawng ngei dawn.

Bundesliga club-te hian April thla chawhnu lam aṭang khan mimal training an nei tawh a, tun kar aṭangin team training an nei. Training an neihnaah hian an fimkhur viau a, player chu inhnaihchilh lo leh in tawk tam lo thei ang bera kalpui a ni.

DFL-in inkaihhruaina a siam a, chung zingah chuan 'Covid-19 test' chu ngaih pawimawh a ni. Player leh coaching staff zawng zawng chu kar tin vawi hnih endik zel an ni ang, endik vawi khat hi match an khelh hma niah a ni ṭhin ang a, hri kai an awm chuan midang nena inkal pawh lo tura dah hran an ni ang.

Stadium chhungah fans an lut dawn lo a, a pawn lamah pawh pungkhawm lo tura beisei an ni. Inrinni zan hian Signal Iduna Park-ah Borussia Dortmund leh Schalke ten Ruhr Deby an khel dawn. Dortmund mayor Ullrich Sierau chuan pawn lama fans pungkhawm lo turin thuchhuah a siam.

1.    Player leh coaching staff zawng zawng Covid-19 an kai em tih chu kar khatah vawi hnih endik ṭhin an ni dawn.

2.    Inkhel en turin stadium chhungah fans a luh theih loh. TV aṭanga en tur 

a ni ang.

3.    Match pakhatah mihring 300 vel chauh an inhnamhnawih ang a, group pathumah ṭhen hran an ni bawk ang.

4.    Khelmual chhungah (pitch) player, match official leh damdawi lam thiam bakah thlalatu chauh luh phal a ni.

5.    TV reporter leh video thlalatu tlemte chauh luh phalsak an ni ang.

6.    Stadium pawn lamah fans pungkhawm an awm palh pawha hnawt darh tur police an awm dawn.

7.    In chibai phal a ni lo, team thlalak leh 'pennant' inthlengna pawh a awm lo ang.

8.    Player leh match official tan hmaithuamna (mask) vuah a ngai lo, midang zawng chuan vuah vek tur a ni thung. Mask vuah hian bench a ṭhu substitute-te pawh a huam.

9.    Ball an pet chu a khat tawkin tih fai (thianghlim) ṭhin a ni ang.

10.    Goal khung lawm nan inkuah khawm chiam loh tur a ni a, lawmna lantir nan kut hmawr ni loin kiu (elbows) leh ke lam hmang tura ngen an ni.

11.    Match pakhatah journalist 10 chauh an lut thei ang a, press conference erawh a awm dawn lo.

12.    Mikhual team chuan an thlen nan hotel pakhat chu a pumpuin an hmang (book) tur a ni a, an tlin loh chuan chhawng khat emaw an hmang ang; player an thlen hmain tihfai hmasak tur a ni.

13.    Mahni muala khel tur an nih pawhin, player-te chu khung hran angin an awm tur a ni. An chhungte leh 

ṭhenawmte nen an inkal pawh phalsak an ni chuang lo.

Nickname: The Reds

Manager: Hansi Flick

Current position: 1st

Top scorer: Robert Lewandowski (25 goals)

Player to watch: Lewandowski/

Alphonso Davies

Season tir lamah Niko Kovac kaihhruaina hnuaiah beisei phak lo mah se Hansi Flick an neih chinah an danglam, point liin hma an hruai mek; a zawna season riat nan Bundesliga nomawi chawi leh an beisei.

–––––––––––––

Nickname: The black-yellows

Manager: Lucien Favre

Current position: 2nd

Top scorer: Jadon Sancho (14 goals)

Player to watch: Sancho/Erling Haaland

Jadon Sancho leh Erling Haaland awmna Dortmund hi Bundesliga team hmuhnawm ber zinga mi an ni a, a bikin an tlarhma lam an hmuhnawm zual. Champion lai Bayern nek buai phak an ni a, Inrinni zana Schalke nen an inkhel tur hian ngaihven a hlawh nghal.

–––––––––––––

Nickname: The Red Bulls

Manager: Julian Nagelsmann

Current position: 3rd

Top scorer: Timo Werner (21 goals)

Player to watch: Werner

Tun season RB Leipzig chanchin a tawi zawnga sawi nan "Timo Werner-a goal leh Julian Nagelsmann-a thluak" an ti ṭhin. Kum 32 mi Nagelsmann hian team enkawl kawngah tawnhriat la ngah em em lo mah se thluak a nei ṭha tawk a, a vawi khat nan league nomawi an 

beisei ngam.

–––––––––––––

Nickname: The Foals

Manager: Marco Rose

Current position: 4th

Top scorer: Alassane Plea (8 goals)

Player to watch: Yann Sommer/

Marcus Thuram

Goalkeeper Yann Sommer chu team innghahna bulpui a ni a, forward Marcus Thuram a hmuhnawm bawk avangin Borussia Monchengladbach hian season hriatreng tawh tur neih theih an inring.

–––––––––––––

Nickname: The working eleven

Manager: Peter Bosz

Current position: 5th

Top scorer: Kevin Volland (9 goals)

Player to watch: Kai Havertz

Midfielder Kai Havertz awmna Leverkusen hian a sang pali zinga tel an beisei a, German Cup bakah Europa League-ah an la dam avangin season ṭha tak 

an hmang mek.

–––––––––––––

Nickname: The Royal Blues

Manager: David Wagner

Current position: 6th

Top scorer: Suat Serdar (7 goals)

Player to watch: Weston McKennie

Manager David Wagner-a'n season bul a ṭan fuh pui a, European football pawh 

an beisei hman. Mahse season laihawlah an zuih, hri len hnuah harh thar leh 

an tum ang.

–––––––––––––

Nickname: The Wolves

Manager: Oliver Glasner

Current position: 7th

Top scorer: Wout Weghorst (11 goals)

Player to watch: Weghorst

Season hmasa khan a sang paruk zingah an tel phak, kuminah pawh beiseina an nei. League match 25 khelh tawh aṭangin goal 30 an chhuah tawh, hliam vanga thla hnih chhung inkhel thei loa awm keeper Koen Casteels rawn kir tur hi an tan chanchinṭha a ni.

–––––––––––––

Nickname: Die Breisgauer

Manager: Christian Streich

Current position: 8th

Top scorer: Nils Petersen (8 goals)

Player to watch: Robin Koch

A vawi 13 nan Bundesliga an khel a, rinkai ni lo chungin season ṭan mah se an khel ṭha angreng hle. Tla hniam leh mai tura an ngaih laiin tunah chuan European football an sawi ri ngam.

–––––––––––––

Nickname: Die Kraichgauer

Manager: Alfred Schreuder

Current position: 9th

Top scorer: Andrej Kramaric (7 goals)

Player to watch: Munas Dabbur

Mizorama inkhel tawh team hian tun season chhungin Bayern Munich, Dortmund leh Leverkusen te an hneh vek tawh. An khelh fuh ni chuan team ṭha berte zinga mi an ni phak.

–––––––––––––

Nickname: The Billy Goats

Manager: Markus Gisdol

Current position: 10th

Top scorer: Jhon Cordoba (10 goals)

Player to watch: Cordoba

Kum 2017/18 season khan Bundesliga-ah a hniam ber an ni, vawi nga chauh chakin goal 34 an khung a, an lamah goal 70 a lut! Kuminah erawh manager Markus Gisdol kaihhruaina hnuaiah beisei phak baka ṭhain season 

an hmang.

–––––––––––––

Nickname: Iron Union

Manager: Urs Fischer

Current position: 11th

Top scorer: Sebastian Andersson (11 goals)

Player to watch: Andersson

Season hmasa khan Bundeslia 2-ah an tlarhnung phui chu an innghahna a ni a, German football inelna sang berah erawh match 25 aṭangin goal 41 an chhuah tawh. Bundesliga-a inham tan chu an tum 

tur a ni.

–––––––––––––

Nickname: The Eagles

Manager: Adi Hutter

Current position: 12th

Top scorer: Goncalo Paciencia (7 goals)

Player to watch: Filip Kostic

German Cup-ah semifinal an lut tawh a, final lut tur chuan Bayern Munich an hneh a ngai. League-ah beisei an phak loh avangin German Cup hi European football khelh leh theihna kawng hnai a ni ang.

–––––––––––––

Nickname: The Old Lady

Manager: Bruno Labbadia

Current position: 13th

Top scorer: Dodi Lukebakio (5 goals)

Player to watch: Krzysztof Piatek/Matheus Cunha

January thla khan Krzysztof Piatek leh Matheus Cunha te an lalut, inhamtang tur chuan an player lakluh pahnih hi hri len hnuah an khelh ṭhat a ngai dawn.

–––––––––––––

Nickname: Die Fuggerstadter

Manager: Heiko Herrlich

Current position: 14th

Top scorer: Florian Niederlechner 

(11 goals)

Player to watch: Niederlechner/

Philipp Max

Tun hnai season tin deuh thawin Augsburg hi tla teuh zingah an awm 

ṭhin. A zawna season 10 chhung Bundesliga khel tur chuan point hmuh belh 

an mamawh.

–––––––––––––

Nickname: The Zerofivers

Manager: Achim Beierlorzer

Current position: 15th

Top scorer: Robin Quaison (12 goals)

Player to watch: Quaison

Tluk leh din fawmin season an hmang mek a, season hnuhnung pahnihah 14 leh 12-na an ni; inhamtang leh tur chuan an hmabak a hautak leh 

dawn hle.

–––––––––––––

Nickname: Die Flingeraner

Manager: Uwe Rosler

Current position: 16th

Top scorer: Rouwen Hennings (11 goals)

Player to watch: Hennings/Erik Thommy

Season hmasa khan rin loh tak maiin an inhamtang hram a, kuminah pawh thilmak an beisei leh mek. Inrinni zan hian a hniam bera awm Paderborn an hmachhawn 

dawn a, point thum hmuh a 

pawimawh ang.

–––––––––––––

Nickname: The Green-Whites

Manager: Florian Kohfeldt

Current position: 17th

Top scorer: Milot Rashica (7 goals)

Player to watch: Rashica/Josh Sargent

Match hmasa 25 an khelh tawh chinah Bremen hian beisei an la phak lo vek, goal chhuah hnem ber (55 goals) an ni. Hripui lengin harhna 

a thlen em tih chu fiahin 

a awm dawn.

–––––––––––––

Nickname: None

Manager: Steffen Baumgart

Current position: 18th

Top scorer: Streli Mamba (5 goals)

Player to watch: Mamba

A mawngphah luahtu an ni a, goal pawh an chhuah hnem. Result nei ṭha tawk lo mah se - Mamba, Abdelhamid Sabiri leh Kai Proger te hmangin inkhel hmuhnawm 

ang reng tak an pho 

chhuak ṭhin.