Al-Nassr coach-in Ronaldo nuam titurin a duh

Al-Nassr coach Rudi Garcia chuan Cristiano Ronaldo chu football khelh nuam tihna nei let tura a duh thu a sawi. Portuguese forward hian nipui bazarah Saudi club hi a zawm a, FA-in match hnih an hremna kaltlangpui a nih avangin Ronaldo hi a club thar tan a la inlan thei lo.

Rudi Garcia chuan, "Nuam titakin football khel se, khelmualah hlim takin inkhel se tih hi Ronaldo ka duhpui ber chu a ni. Manchester United leh an ram Portugal-ah khan khelmual pawn boruak ṭha lo kha a tam a, hahdam takin hun a hmang lo," tiin a sawi.

Al-Nassr hian kartawp khan 2-0 in Al Tai FC chu an hneh a, January 14 hian an hnuai chiaha awm Al-Shabab chu an hmachhawn leh dawn. Ronaldo inlan theih hun tura ngaih chu January 22 daih a ni a, Al-Nassr hian Ettifaq an hmachhawn ang.