Messi leh Scaloni tan chawimawina

International Federation of Football History and Statistics (IFFHS) chuan Lionel Scaloni chu best coach atan an thlang, kar hmasa khan Lionel Messi chu best player atan an lo thlang tawh bawk.

Scaloni hi kum 44 mi chauh a la ni a, nikum khan Argentina chu World Cup champion a nihpui, coach zingah world champion ni thei naupang ber a ni hial a, vote 240 hmuin amah hnaih bertu Didier Deschamps chuan vote 45 a hmu thung.

Argentina hian a vawi thum nan world title an la a, kum 1986 hnua an champion lehna hmasa ber niin, nikum khan Scaloni kaihhruaina hnuaiah hian match 36 chhung tlawm loa kaltluan lai pawh an nei hial.

FIFA World Cup chauh a ni lo, kum 2021 khan Copa America champion a nihpui. South America champion leh European champion te tana buatsaih La Finalissima-ah pawh Italy hnehin Argentina chu hlawhtlinna a lo chanpui tawh bawk.