Coco Gauff-i a champion

American tleirawl Coco Gauff chuan tennis season bul a ṭan fuh hle. Pathiannia khelh zawh tak ASB Classic-ah Gauff hian Viktoria Masarova chu 6-1, 6-1 a sawpin kumina a nomawi hmasa ber a chawi.

Auckland, Australia-ah ruah a sur nasat avangin a hunah tak final khelh ṭan theih a ni lo, loh theih lohna vangin indoor stadium-ah khelh a ngai a, tleirawl Gauff hi a buai phah chuang lo - a tir aṭanga a tawp thlengin inkhel a thunun.

Kum 18 mi Gauff chuan, "Ka tan chuan hetiang baka season bul ṭan ṭhat dan hi a awm thei tawh chuang lo. Kum 15 mi ka nih lai aṭangin hard court-ah inelna ka hmachhawn tawh, tuna mi hi ka nomawi chawi hmasak ber a ni.

"Ka tan chuan engkim mai hi thil thar a nihna chen a awm. A pawimawh lai chu match khat chauh ni loin, kar tluana ṭha taka ka inkhel thei hi a ni," a ti a, Australian Open a nghakhlel tih a sawi lang tel bawk.