PV Sindhu a inkhel thei tawh dawn

Hliam vanga hun rei tak a inkhelh theih loh hnuah PV Sindhu chuan badminton a khel thei ve leh dawn ta. Tun kar chhunga khelh tur Malaysia Open-ah Sindhu hi a inlan dawn a, atan inelna a awlsam lo mai thei.

Season hmasa kha Sindhu hian a hmang ṭha pangngai viau, mahse a tawp lamah erawh hliam vangin a buai. Kumin May thla aṭangin ranking point chu Paris Olympic qualifier a ni nghal dawn a, inelna a pawimawh chho vek dawn.

Olympic medal vawi hnih dawng tawh Sindhu-i'n a match hmasa bera a tum tur hi Carolina Marin a ni. Spanish nula hi a damṭhat vanglai pawha hneh a harsat kha a ni - Indian shuttler tan chetsual a remchang dawn lo.

Seeded pangana Sindhu chuan, "Karek hliam vangin thla nga deuh thaw ka chawl a, tuna tournament ka khel ve leh thei tur hi ka lawm. Keimah ang bawka hliamin a tihbuai ve fo tawh Marin nena kan intawng turte hi a lunglen thlak zawk hial," a ti.

Mipa singles lamah Lakshya Sen chuan amah ang bawka India tlangval HS Prannoy a hmachhawn dawn. World number 1 hlui Kidambi Srikanth chuan seeded pangana Jonathan Christie hmangin inelna bul a ṭan thung ang.

Malaysia Open-ah hian mipa world number 1 Viktor Axelsen pawh a inlan dawn. Denmark tlangval hian tun hnaiah badminton khawvel a thunun hneh viau a, tun ṭumah pawh hian champion tura rinkai a ni dawn.