Philadelphia 76ers tan Harden a inlar

James Harden chuan nimin zing khan Philadelphia 76ers tan player ṭha bik a nihna a lantir. Harden hian 20 point, 11 rebound leh 11 assist a nei a, triple-double neiin a team hi Detroit Pistons lakah 123-111 in a chakpui.

Sixers tan point 23 neitu Tyrese Maxey bakah Montrezl Harrell a langsar bawk, ani hian point 20 a neih bakah rebound vawi ruk a la bawk, bench aṭanga lut Paul Reed (16 point & 12 rebound) a chet ṭhat bawk avangin an chak.

NBA regular season kal laiah Philadelphia 76ers hi vawi 24 an chak tling ta chiah a, ṭum 15 chu an khingpuite lakah an tlawm tawh thung. Eastern Conference table-ah pangana dinhmun an luah.

Chak lo Pistons erawh an la chefuh hleithei lo, vawi 32 ngawt an tlawm tling ta. Eastern Conference table mawngphah luahtu niin, an tan playoff khelh beisei ngam chi a ni tawh lo.