Milan khingpui tur Torino

Italy rama knockout football inelna ngaihhlut Coppa Italia Last 16-ah zanin dar 1:30 hian AC Milan leh Torino te an inhmachhawn ang.

Coppa Italia-a hian Serie A leh Serie B club 20 ve ve bakah Serie C club pali an tel a, an vaiin club 44 an ni.

Milan hi seeded zingah an tel avangin last 16 aṭangin an inlan chiah a, an khingpui tur Torino hian Palermo (3-0) leh Cittadella (4-0) an hneh.

Stefano Pioli hnuaiah Milan-in season an la hmang chhe lo a, Serie A-ah pathumna an ni mek. Chutihrualin an match hnuhnung berah Roma nen 2-2 in an inhnehtawk a, Coppa Italia-ah erawh chak ngei an tum ang.