Villa-in Moreno an la dawn

Aston Villa chuan Real Betis aṭangin full back Alex Moreno chu an lalut hnai a, English club hian Spanish left back manah hian euro maktaduai 14 an sen a ṭul ang. Spanish manager Unai Emery tan Moreno an lalut tur hi chanchin lawmawm a ni.

Kum 29 mi Moreno hian medical test a la hmachhawn a ngai a, he thu i chhiar meuh chuan Villa player a ni thei tawh bawk. Moreno hi Barcelona aṭanga inzir chhuak ni mah se Catalan club senior team-ah khelhna hmun a chang lo.

Moreno hi Vilafranca, Llagostera leh Mallorca-ah te a kal kual a, La Liga-a a khelh hmasak ber chu Rayo Vallecano tan a ni. Kum 2019 khan Moreno hian Real Betis a zawm a, player pawimawh niin nikum khan Copa del Rey nomawi a chawi a ni.