Covid-19 vangin Sumo Wrestler a thi

Professional sumo wrestler Shobushi chu Nilaini khan coronavirus vangin a thi. Japan Sumo Association (JSA) chuan Shobushi thih thu hi an nemnghet a, Covid-19 vanga sumo wrestler leh Japan rama kum 20-30 inkar zinga thi hmasa ber a ni.

Shobushi hi a hming tak chu Kiyotaka Suetake a ni a, April 4 khan a khua sik ṭanin a nat zual hma hian Covid-19 test a tih theih loh bakah damdawi in indahluhna tur a hmu lo. A damloh aṭanga ni li hnuah na zualin damdawi inah dah luh a ni a, April 19 khan ICU-ah an dah lut.

JSA tarlan danin Shobushi hian zunthlum a nei. JSA chairman Hakkaku chuan, "Wrestler a nih angin thla khat chuang huaisen takin Covid-19 a bei a, tunah chuan hahdam takin a chawl thei ta," tiin a sawi.

Shobushi hian kum 2007 khan sumo wrestling hi a luhchilh ṭan a, sumo inelna a sang palina 'sandanme division'-ah ranking number 11-na a ni hman. 

Johns Hopkins University-in a tarlan danin Japan ramah Covid-19 vei dam chhuak mi 16,000 an awm tawh a, mi 657-in an thihpui thung.