Zaninah I League hmahruaitu inlan dawn

Zanin dar 7:00 hian Rajasthan FC chuan I League hmahruaitu Sreenidi Deccan chu Dr. Ambedkar Stadium, Delhi-ah an mikhual dawn. Sreenidi Deccan hi match thum chhung an chak zawn tawh a, Rajasthan lakah pawh hian chak tura rinkai zawk an ni ang.

Screenidi Deccan-ah hian Mizo tlangval Ramhlunchhunga leh Lalromawia te an awm a, Kolasib winger Chhunga hian Neroca an hneh ṭumin goal awmchhun a khung. Hyderabad club Screenidi player pawimawh ber erawh striker David Castaneda a ni a, Colombian striker hian Sudeva Delhi an hneh ṭumin hattrick a siam a, tun season-a hattrick siam awmchhun a la ni.