Nice-in coach Favre an ban

Ligue 1 club Nice chuan an coach Lucien Favre an ban. Nice hian French Cup-ah third division club Le Puy chu 1-0 in an hneh lo a, he inkhel result hnu lawkah hian Favre chuan a hna a chân zui ve nghal.

Nice hian league match 17 an khelh tawh aṭangin point 21 an hmu a, Ligue 1 table-ah 11-na dinhmun an luah mek - an league match hnuhnung pathumah pawh chak ni hmel an hmu lo.

Season hmasa khan Nice hian an coach Christophe Galtier chu Paris St Germain lakah an chân, tun hma lama an club lo enkawl tawh Favre hi an la a, mahse an beisei leh duh ang result erawh an thleng ta lo a ni.