Tluanga hi kan player pawimawh a ni - Wadoo

12th January, 2023

I League-ah Real Kashmir chuan vawiin chawhnu dar 2:00 hian Sudeva Delhi an hmachhawn dawn. Kashmir coach Mehrajuddin Wadoo chuan Mizo tlangval B. Lalnuntluanga chu an player pawimawh a nih thu a sawi.

Real Kashmir hian match hnuhnung berah Aizawl FC an hmachhawn a, RG Stadium-ah goal awm loin an inhnehtawk. India defender hlui Mehrajuddin Wadoo chuan, "Tluanga hi kan player pawimawh a ni a, midfield-a kan khaipa ber a ni. A thawkrim em em a, tun season hi I League-a khelhna hmasa ber a ni a, a khelh danah ka lungawi hle," tiin Vanglaini a hrilh.

Lunglei tlangval Tluanga hi AIFF Elite Academy chhuak a ni a, Bengaluru leh FC Goa reserve tan I League 2nd Division a khel tawh. Tun season hi I League a khelhna hmasa ber a ni a, Tluanga hian Mizoram tan Santosh Trophy a khel tawh bawk.