Beckham-a'n a fapa inkhel a thlir

Romeo Beckham chuan tun thlasik bazarah loan hmangin Inter Miami aṭangin Brentford B a zawm a, Thawhlehni khan London FA Senior Cup-ah Erith & Belvedere an hmachhawn.

Kum 20 mi Romeo hi matchday squad-ah telh a ni a, a pa David Beckham pawhin inkhel hi a en. Second half-ah Romeo hi a rawn inlan a, English football-a khelh hmasak ber a ni.

Kum 2021-a Inter Miami an din khan Manchester United legend Beckham hi a neitu zingah a tel a, Romeo hi Florida club-ah hian a inziaklut. 2022 season khan Romeo hian MLS Next Pro-ah Miami II tan match 20 khelin goal hnih a khung a, assist vawi 10 a nei bawk.

Nikum October thla khan Romeo hian Brentford B-ah hian training a nei tawh a, official trial a ni lo thung. Beckham-a fapa inkhel hian nghawng a nei nghal a, Brentford B inkhel entu tam ber ṭum niin mi 553-in an en a ni.