Moura-a'n Spurs a chhuahsan dawn

Lucas Moura chuan tun season zawhah Tottenham Hotspur a chhuahsan dawn. Brazilian midfielder Moura contract neih lai hi tun season zawh rualin a tawp dawn a, contract thar a ziah dawn loh avangin London club-ah hian thla ruk chauh a khel tawh ang.

Kum 30 mi Moura hian January 2018 khan Spurs hi a zawm a, nipui bazarah club a neih loh avangin hlawh sang zawkin club dang a zawm thei ang. Tun dinhmunah Moura hian club biak lai a nei lo a, karleh chho hian a hmalam hun chungchang sawiin a aiawh turte nen an inbia ang.

Nikum October thla khan Moura hi a inliam a, a rawn let hun tur a la chiang lo. Moura hian Brazil-a kir a la tum lo a, Europe club-ah khelhna tur a zawng ang.

Spurs hian Sporting Lisbon aṭangin right back Pedro Porro chu lak tumin an dawr a, Portuguese club hian chhuah an phal lo. English club hian Porro hi lak an tum a nih chuan release clause - euro maktaduai 45 (£39.9m) an thehchhuah a ṭul dawn a ni.