Villa defender thar Moreno

Aston Villa chuan Spanish defender Alex Moreno chu Real Betis aṭangin an lalut, pound maktaduai 13.2 man niin coach thar Unai Emery-a'n player a lei thar hmasak ber a ni.

Kum 29 mi Moreno hi nipui bazar lai khan Nottingham Forest nen pawh sawizawm a lo ni tawh, tun season La Liga match 15 a khel tawh a, a club tan player pawimawh leh an hmanraw pawimawh zingah a tel phak.

Villa manager Emery chuan, "Alex hi player ṭha a ni a, kan squad ti chak thei tur a ni. La Liga defender ṭha berte zinga mi a ni phak a, tawnhriat a ngah tawhna te hi kan tana ṭangkai lai tur a ni ang," a ti.

Premier League club hian tlarhnung sir vei lama khel turin Lucas Digne an nei sa, ani hi kum khat liam ta maia pound makatduai 25 senga an lei kha a ni a, amah leitu Steven Gerrard chuan a hna a chan tawh.

Villa hi Premier League table-ah 11-na an ni mek a, FA Cup aṭangin League Two club Stevenage hneh loin an tla fel tawh. Zanin dar 1:30 hian Villa Park-ah Leeds United an lo mikhual dawn a ni.