East Bengal khelmualah Jamshedpur

Indian Super League inkhelah East Bengal chuan zanin dar 7:30 hian Jamshedpur an mikhual dawn a, team pahnih hian season an hman ṭhat loh avangin zanin hi insiamremna remchang a ni dawn.

Season hmasaa league round hmahruaitu Jamshedpur hian season hmasaa an ropuina an la phak lo hle - league match 13-ah vawi khat chiah an chak a, vawi thum draw neiin, vawi kua an tlawm a, point ruk chiah an la nei.

Men of Steel hi table-ah 10-na an ni mek a, pakuana chu East Bengal an ni - Kolkata club hian match 12 aṭangin vawi li chak an nei a, vawi riat an tlawm a, point 12 an nei.

Jamshedpur-ah Ricky Lallawmawma leh Laldinliana Renthlei ten hmun pawimawh an chang a, Laldinpuia Pachuau pawhin match ruk a khel tawh. East Bengal lamah Jerry Lalrinzuala leh Lalchungnunga ten hmun pawimawh an chang bawk.

JFC hian tun hnaiah ATK Mohun Bagan aṭangin midfielder Pronay Halder an lalut a, season hmasa khan loan-in Men of Steel-ah hian a lo khel tawh.