Fight Night-ah boxer 141 tel dawn

14th January, 2023

GIG Motors Mizoram Fight Night 2023-ah mipa boxer 116 leh hmeichhe boxer 25 te an inbuk a, an vai hian boxer 141 an ni.

January 11-12 khan Mizba Boxing Hall-ah inbukna hi neih a ni a; inelna hi January 16 aṭangin Mizba Boxing Hall-ah khelh ṭan a ni ang.

Mizoram Fight Night hi nikum November 15 - December 22 chhunga neih tum kha a ni a, hall lam remchan loh avangin kuminah sawn a ni.

Inelna hi Zonet-ah live telecast a ni dawn a, a hmawr bawkna hi February-ah Dawrpui Multipurpose Hall-ah neih tum a ni.