AC Milan tan insiamṭhat a ṭul

Serie A-ah champion lai AC Milan chu pathumnaah an awm mek a, nomawi humhim turin insiamṭhat a ṭul hle. Nizan khan hmahruaitu Napoli leh pahnihna Juventus te an inkhel a, Milan tan zanin hi insiamṭhatna hun ṭha a ni. Stefano Pioli hote hian zanin dar 10:30 hian Lecce an hmachhawn ang.

Milan hian kar laihawl khan player 10-a khel Torino chu 1-0 in an hneh lo a, Coppa Italia aṭangin an tla. Hei bakah hian league bika an match hnuhnung berah Roma nen 2-2 in an inhnehtawk a, point hnih an hloh bawk.

Pioli hote hian nomawi humhim an duh a nih chuan chetsual a thiang tawh lo. Milan hian tlarhmaah Olivier Giroud an kawl a, French striker thlawp tur hian player hmabak nei êng Rafael Leao leh Brahim Díaz te an nei - Lecce lakah point thum hlawhchhuah ngei an tum ang.