NBA entu tam ber

Basketball inelna sang NBA-ah entu tam ber ṭum a thleng. Inrinni zinga Golden State Warriors leh San Antonio Spurs inkhel chu a hmunah mipui 68,323 laiin an en a, entu an tam ber ṭum a ni.

Kum 1998 khan Michael Jordan-a awmna Chicago Bulls-in Atlanta Hawks an hneh lai chu a hmunah mi 62,046 zetin an lo en tawh a, he record ding lai hi Warriors leh Spurs te inkhel entu hian an rawn khum.

Entu mipui tam tak awmna inkhelah Golden State hian 144-113 in hnehna an chang a, a zawna vawi thum an tlawm tawhna sulhnu ṭha lo tak chu an thai bo. Spurs erawh match an khelh hnuhnung pariatah vawi sarih ngawt an tlawm ta.

Inkhel dangah John Collins chuan hun tawp dawnah point hlu tak neiin Atalanta Hawks chu Indiana Pacers lakah 113-111 in a chakpui. New York Knicks pawhin Washington Wizards chu 112-108 in an hneh ve bawk.