Point 38,000 nei tlingtu James

Basketball player ropui bik LeBron James chuan mellung pawimawh a phun - NBA player zingah James hi point 38,000 nei tling thei pahnihna a ni ta, record nei ṭha ber Kareem Abdul-Jabbar a hnaih ta hle.

Basketball inelna sang berah a point nei hnem ber Kareem Abdul-Jabbar hian point 38,387 nei a, tun dinhmunah James-a'n a la phak lohna chu point 363 a ni, tluang taka a khel thei a nih chuan tun season chhungin a khum theih a rinawm.

American star James hian NBA hi season 20 a khel tawh a, a team Los Angeles Lakers leh Philadelphia 76ers an inkhelh ṭumin point 35 a nei a, mimalin mellung pawimawh phun mah se 113-112 in an chak lo.

Kum 38 tling hlim James chuan, "Thla hmasa khan kum 38 piancham ka lawm, khami ṭum khan Abdul-Jabbar chuan number 38 chu 38,388 a la ni thuai ang, tiin min hrilh," a ti. A record kum 34 chhung lo awm tawh chu a rawn khum dawn tih a lo sawi tawh a ni.