I League hmahruaitu thar Sreenidi

18th January, 2023

Nimin tlai khan Sreenidi Deccan chuan an mual Deccan Arena-ah RoundGlass Punjab chu 4-0 ngawtin an sawp a, an elpui an hneh avangin I League-ah hmahruaitu an nih phah a ni.

Sreenidi Deccan-ah Mizo tlangval Lalromawia'n bul a rawn ṭan a, RoundGlass Punjab-ah Brandon VL Remdika leh Freddy Lallawmawma ten bul an ṭan bawk.

Mualneitu Sreenidi-in Shahabaaz Khan hmangin minute 13-na lekah hma an hruai a, goal khung khawl David Castañeda-a'n minute 31-naah a khung belh. First half-ah 2-0 a ni a, second half-ah goal hnih dang an khung.

Goal hmahruai siamsaktu Dinesh Singh chuan minute 31-naah ama pualin a tauh goal a, minute 89-naah David Castaneda-a'n goal hnihna a khung leh bawk.

Colombian footballer David hian goal 11 tehmeuh a khung tawh a, amah hnaih bertu Mohammedan striker Marcus Joseph aiin goal ngain a khung tam zawk.