Marin chak niah Momota a tla

Badminton mipa player Kento Momota tan season bul ṭanna ṭha lo tak a ni a, hmeichhe player Carolina Marin erawhin India Open Super 750-ah hnehna nen bul a ṭan thung - player pahnih boruak tawn a inang lo hle.

Japanese tlangval, hun rei tak chhung world number 1 pawh lo ni tawh Momota hi Rasmus Gemke nen minute 49 an inkhelh hnuah 21-15, 21-11 in a chak lo, tournament a khelh hnuhnung pathumah hneh nei loin a tla nghal vek.

Hmeichhe singles lamah Nozomi Okuhara a chak lo, a hmaa ding hi Olympic champion hlui Marin a nih avangin 21-13, 21-18 in a chak lo. Spanish nula Marin hian last 16-ah chuan Ratchanok Intanon a hmachhawn leh ang.

Inkhel dangah Ratchanok Intanon hian Goh Jin Wei chu 21-13, 21-11 in a hneh, vawi thum champion tawh hian hnehna chang turin minute 27 bak a mamawh lo. India Open hi sulhnu a neih ṭhatna a nih avangin Marin tan pawh hmachhawn a harsa dawn.

Hmeichhe doubles lamah Indian player pahnih N. Sikki Reddy leh Shruti Mishra te ṭang dun chu, an khingpui German player Linda Efler leh Isabel Lohau lakah chak loin an zinkawng a tawp.