MFA-in transfer hun a hawng

Mizoram Football Association chuan All India Football Federation transfer window hawn chhung zuiin kumin January 1-31 zan dar 12 thleng hian player transfer hun a hawng. MFA chuan player transfer turte chu hemi hun chhunga transfer tifel turin an hriattir.

Season kal mek (2022-23) chhungin tun bak hi transfer hawn a ni tawh dawn lo a, loan-a inlak pawh a theih loh ang. MPL khelh zawh a ni tawh a, thlasik bazar hi MFA Cup khel tur tan a pawimawh dawn.

MFA hian AIFF Centralised Registration System a hman tawh avangin MFA Cup khel tur player zawng zawng hi CRS hnuaia inziahluh vek a ṭul dawn. CRS-a awm lo player-te chuan MFA Cup hi an khel thei lo ang.

Khawvel thiamna changkang zelah tun hma zawng aiin AIFF leh MFA pawh an inthlunzawm ṭha a, tualchhung football pawh FIFA calendar zul zuiin an kalpui tawh. European football-a nipui leh thlasik bazar a awm ang chiahin tualchhung football-ah pawh nipui leh thlasik laiin transfer hun hi hawn

a ni.