Fight Night a hmuhnawm zel

GIG Motors Mizoram Fight Night 2023 chu MIZBA Boxing Hall, Ramhlun Sports Complex-ah khelh chhunzawm zel a ni a, entu an ṭhahnem chho zel. Inelna hi round tir lam a nih avangin en man a awm lo a, inelna buatsaihtuten boxing ngaitute a hmun ngeia inhnek en turin an sawm.

Inelna hi Aizawl District Boxing Association leh Zonet ṭangkawpin an buatsaih a ni a, zanin hian zan ngana a ni ang.

Mizoram Fight Night hi Zonet Rihnim, Zonet HD leh Zonet YouTube-ah te a en theih. YouTube hmanga en tur hian Zonet YouTube channel-ah member nih a ngai a, member nih man hi Rs 89 a ni.