Hnehna nena bul ṭan Mirza

Sania Mirza chuan nimin khan Australian Open bul a ṭan a, a ṭanpui Anna Danilina nen inkawpin an khingpui Bernarda Pera leh Dalma Galfi te ṭangdun chu 6-2, 7-5 in an hneh nghal.

Sanis leh Danilina te hi seeded pariatna pek an ni a, set khatnaah hian an khingpui service vawi hnih an chhuhsak a, minute 25 chhung lekin set khatna an la. Set hnihnaah 4-1 ngawtin hniam zawk mah se, an nih rual hnuah tie break hmangin an chak.

Kum 36 mi Sania hian tun thlatir khan Dubai Masters hnuah tennis a chawlhsan fel tur thu a sawi tawh a, February thlaa tournament khelh zawhah a chawlh tawh dawn avangin a tan chuan inelna a hmachhawn apiang hi a hnuhnung ber a ni zel.

Indian hmeichhe zinga tennis huanga thleng sang ber Sania hi mixed doubles huangah pawh a inlan dawn - Indian tlangval tho Rohan Bopanna nen an ṭang dun dawn a ni.