Imphal Derby-ah Neroca an chak

Khuman Lampak Main Stadium-ah Neroca leh Trau ten January 18, Nilaini khan Imphal Derby an khel ṭha a, Trau-in Komron Tursunov hmangin minute 10-na lekah khung hmasa mah se Neroca-in goal thumin an chhanglet a, 3-1 in an chak.

Nikum December thla khan Trau hian 2-1 in derby-ah hnehna an chang tawh a, tun ṭumah pawh goal an khung hmasak avangin chak turin an dinhmun a ṭha. Neroca hian Jourdaine Fletcher hmangin first half-ah siphurh an sut a, Jamaican striker hian injury time-ah chakna goal khung zuiin Michael Kporvi-a'n chak nemnghehna goal a khung belh leh bawk.

Neroca hian January 21, Inrinni hian Aizawl FC an mikhual dawn a, Mizo club hian Manipur club hi December thla khan Akito Saito goal hmangin 1-0 in an hneh tawh a ni.